ATOMIC FLOWER

புஷ் பதில் சொல்லவேண்டிய கேள்விகள்

2009-01-05T13:27:00.010+05:30

" காஸா மீதான தாக்குதலுக்கு காரணம் ஹமாஸ் அமைப்பே "

இப்படி உளறியவர் சாட்சாத் புஷ் தான் , ஏன் இந்த கொலைவெறி ? தங்களுக்கு உயிரைக்காக்க கூட சுதந்திரம் இல்லாத நாட்டில் மக்கள் வாழ்ந்து வருவதே பெரிய விஷயம். இந்த லட்சணத்தில் அமெரிக்க அதிபர் "செருப்படிபட்ட வீரர் " புஷ் தனது செல்ல நாய்க்கு ரொட்டி துண்டுகளாக இந்த உரையை வீசியுள்ளார். அப்பாவி காசா மக்கள் என்ன தீங்கு செய்தார்கள் அங்கு பிறந்ததை தவிர?

சரி அதெல்லாம் இருக்கட்டும் அமெரிக்காவை யார் எதிர்த்தாலும் தீவிரவாதியா? என் இந்த பொதுவுடமை தோழர்கள் எதிர்க்கிறார்கள் அவர்களை அரசியல் சதுரங்கத்தில் வெல்ல இயலாமல் . தன் நாட்டு மக்கள் உணவின்றி பொருளாதார வீழ்ச்சியினால் வீடு இல்லாமல் இருப்போர் பெருகி வருகிறார்கள். இந்த லட்சணத்தில் ஒரு இனத்தையே பூமியில் இருந்து அழிக்க நினைக்கிறார்கள். கேட்டால் தீவிரவாதத்தை அழிக்கிறார்களாம்? யாரிடம் சொல்ல இவர்களின் இந்த இழி நடத்தையை.

ஏன்டா உணவு தானியங்கள் விலை தாறுமாறாக உயர்ந்தது என்று காரணம் கேட்டால் , "இந்தியாவில் நடுத்தர வர்க்கம் சாப்பாட்டு ராமர்களாய் மாறி விட்டார்கள்" என்று கூசமால் புளுகிய அமெரிக்க ஆளும் வர்க்கம், போபால் பயங்கர வாதத்துக்கு என்ன பதில் ? எதோ உன் நாட்டு பிரஜை சில பேர் மும்பை குண்டுவெடிப்பில் இறந்தார்கள் என்பதற்க்காக இந்திய வந்து விசாரித்து போகிறாய். ஆயிரக்கணக்கில் இறந்து லட்சக்கணக்கில் இன்னமும் மரணத்துடன் போராடுகின்ற எம் போபால் மக்களை பார். எதோ உனக்குத்தான் உயிரோடு இருக்க அதிகாரம் இருப்பதையும் மற்றவனெல்லாம் சாகத்தான் வேண்டும் எனவும் நீ செய்துவரும் காரியங்களுக்கு என்ன பெயர் வைத்து இருக்கிறாய்? . உன் எண்ணெய் ஆசைகளுக்கு யார் எதிரில் முட்டுக்கட்டை போட்டார்களோ அவரெல்லாம் உனக்கு எதிரி. இரட்டை கோபுரம் சாய்ந்த பின்தான் உன் கூற்றை எல்லாம் உலகமெல்லாம் கேட்டதே. உனக்கு ஆபத்து என்றால் உலகத்துக்கே ஆபத்து. அதைபோல உனக்கு லாபம் வந்தால் உலகத்துக்கு கொடுத்துவிட வேண்டியது தானே.

உன் ஆயுதம் விற்க வேண்டுமென, இந்தியாவுக்கும் பாகிஸ்தானுக்கும் சிண்டு முடித்து விட்டு ரத்தம் பார்க்க ஆசைப்படுகிறாய். என் இந்த கொலை வெறி?

ஆப்கனிஸ்தானில், ஈராக்கில் இறங்கிய உன் இராணுவம் , யாரை பார்த்தாலும் சந்தேகம் கொள்கிறது. நிறைமாத கர்ப்பிணி என்று கூட இல்லை, வயிற்றில் குண்டுவைத்து இருக்கலாம் என்ற காரணத்தினால் அவர்களுக்கு ஒரு துப்பாக்கி குண்டை பரிசாக கொடுப்பீர்கள். உடலில் ரத்தாறு ஓடுவதை ரசிப்பீர்கள் .

உங்கள் உடல் பசிக்கு அபலை பெண்கள். உங்கள் பொழுது போக்கிற்கு போர்கைதிகள், அவர்களின் உடம்பை சித்ரவதை செய்வீர்கள். எப்படி முடிகிறது உங்களால்? என்ன செய்தாலும் தீவிரவாத ஒழிப்பு என்ற ஒற்றை சொல்லில் நிறுத்தி விடுவீர்கள். மனிதத்தன்மையற்ற செயல்களை செய்து விட்டு மனித உரிமை பற்றி பேசுகிறீர்கள் . காசாவில் கொல்லப்பட்ட மக்கள் தீவிரவாதிகளா? தீவிரவாதிகளை அழிக்கிறீர்களா? அல்லது இனத்தையே அழிக்கிறீர்களா?

உங்களிடம் இல்லாத ஆயுதமா ? ஈராக் என்ற தேசத்தில் பல அழிவுக்கருவிகள் உள்ளன என தங்களின் அண்டபுளுகை என்ன சொல்ல? தனக்கு உலகமே அடிமையாக இருக்க வேண்டும் என நீங்கள் நினைப்பதை தடுக்கும் சக்திகள் உங்களுக்கு தீவிரவாத மாகத்தான் இருக்கும். ஏகாதிபத்ய அமெரிக்காவே நீ செய்த அக்ரமங்களுக்கு விரைவில் சம்பளம் பெறுவாய்.

"அனைத்துக்கும் மேலாய் முதாளித்துவம் தனக்கு சவக்குழி தோண்டுபவரையே உற்பத்தி செய்கிறது " பேராசானின் தத்துவம் உனக்கு பொருந்தக்கூடிய நேரம் நெருங்கிவிட்டது.

டஸ் என்று ஒருவன்

2009-01-02T12:33:00.002+05:30

டஸ் பற்றி பதிவு போட வேண்டிய அவசியம் வந்து விட்டதை உணருகின்றேன். நீங்கள்
டஸ் என்றால் என்ன என்று இப்படி அவனை அறிமுகப்படுத்தி விடுகிறேன்.
டஸ் சராசரி மாணவன் ( அதாவது முப்பாது ஐந்து முதல் நாற்பது வரை) மதிப்பெண்களில் உலா வருபவன். நான் சொல்வதை சற்று கற்பனை செய்து பார்த்து விட்டால் அவனை நீங்கள் கண்டு விடலாம். நல்ல சிகப்பு நிறம் தட்ட குச்சியை விட சற்று பருமனான தேகம். பந்தா பண்ணுவது என்றால் என்னவென்ற தெரியாத அப்பாவி பிள்ளை (உண்மையிலே அவனுக்கு பந்தா பண்ணுவது என்றால் என்ன வென்றே தெரியாது )

நாங்கள் சப்பை பிகரு முன்னால கூட அலம்பல் பண்ணிதிரியும் போது மேலும்

தீவிரவாதத்திற்கு முன்பு

2008-12-27T14:32:00.001+05:30

எதோ சட்டம் கடுமையாக்கப்பட்டால் தீவிரவாதத்தை ஒழித்து விடலாம் என கனவு கோட்டை கட்டிக்கொண்டு இருந்ததால் கண்டிப்பாக அது நகைப்புக்கு உரியதே அன்றி வேறில்லை. உருவாகிறதற்கான அனைத்து முன்னேற்பாடுகளையும் தந்து விட்டு ஐயோ அம்மா என்றால் என்ன செய்வது?

தீவிரவாதி எனப் படுபவன் என்றும் தன் உயிருக்கு பயந்து இந்த காரியத்தில் இறங்க மாட்டான் ஆனால் அரசின் வாதம் என்னவென்றால் இந்த நடவடிக்கை சட்டத்தின் மூலம் குணப்படுத்தலாம் என உரைப்பது கண்டிப்பாக கண்துடைப்பே அன்றி வேறில்லை. அனைவர்க்கும் வேலை, வறுமையற்ற வாழ்வு, நோய் தீர்க்க மருத்துவமனைகள் , சுகாதாரம் இவற்றை அனுபவிக்க சுதந்திரம் இவை இருந்தாலே போதுமே . ஏன் இந்த நிலை . இந்திய வட கிழக்கு மாநிலங்களின் நிலை என்ன? ஏன் அவை நக்சல்பாரிகளை கொண்டு உள்ளது? உருவாவதன் காரணம் என்ன? ஏன் அந்த நிலையை சரி செய்யக்கூடாது?

ஏகாதிபத்திய அடிவருடிகளை இருந்து நாம் சாதிக்கபோவது என்ன? நம் நாட்டு மக்களின் வாழ்வாதாரம் இங்கு குறைபட்டு நிற்கிறது ஆனால் இங்கு சந்திரனுக்கும் மற்ற கிரகங்களுக்கும் வான் அறிவியல் ஆராய்ச்சி செய்கிறார்கள். மக்கள் பிரச்சனை தான் நாட்டின் பிரச்சனை. ஒருநாள் தனி நபர் வருமானம் என்ன? ஏன் அந்த இடைவெளி மலைக்கும் மடுவுக்கும் உள்ள இடைவேளை போல உள்ளது? வறுமையால் பஞ்சத்தில் மடிகின்ற மக்களின் வாழ்க்கை ஏன் இப்படி உள்ளது? இத்தனை சிந்திக்காமல் சந்திரனுக்கும் கோள்களுக்கும் நம் வரிப்பணம் சூறையாடப்படுகிறது.

லஞ்சம் இந்தியாவிலேயே கொடிய நோயாக வளர்ந்து வருகிறது ஊழல் தான் இதன் தாய். அந்நிய முதலீடுகளின் வழியே இவை வளர ஆரம்பிக்கின்றன.

ஏகாதிபத்திய உணர்வுகளை களைந்து நாட்டுமக்களுக்கு எந்த அரசு நன்மை செய்ய நினைக்கிறதோ அந்த அரசை நாம் அமைக்க முன்வர வேண்டும். என்ன செய்வது துரதிஷ்டவசமாக அந்த பாக்கியம் நாம் இன்னும் அடையவில்லை .ஓரளவு தன்னிறைவு பெறவேண்டிய காலங்களிலே இந்த செய்தி வந்து இருப்பின், எதிகாலம் என்ன ஆகும் என்று நினைத்தால் பயமாக இருக்கிறது.

டாடா க்களும் அம்பானிகளும் தீர்மானிக்கிற பொருளாதாரத்தை நம் விவசாயிகள் என்று தீர்மானிக்க ஆரம்பிக்க போவது என்று?
சாவின் விளிம்பில் நிற்கின்ற இவர்களை அரசு கண்டு கொள்ளவதே இல்லை. ஆனால் தாஜ் ஓட்டல் இழப்பீடு தர யோசித்து கொண்டு இருக்கிறது. பெரிய அலுவலக முகப்புகளிலும் சாப்ட்வேர் பவனங்களிலும், மேகம் தொடும் ஹோட்டல் களுக்கும் இனி பாதுகாப்பு அதிகாரிக்கும். வழக்கம் போல மக்கள் வரிப்பணம் சூறையாடப்படும்.

விவசாயிகள் படுகொலை செய்யவைக்க படுகின்றனர் அரசால். வானம் பொய்க்கிறது . அரசு ஏய்க்கிறது. விழாக்களுக்கு குறைவில்லை. நேரத்திற்குஒரு கண்ணீரில் அரசின் பார்வையில் தெரிவதில்லை. தீவிரவாத நடவடிக்கைகளை வேரருங்கள் வேண்டாம் என்று சொல்லவில்லை. ஆனால் திவிரவாதி உருவாவதர்க்கான சூழ்நிலையை உருவாக்காதீர்கள்.

பொருளாதார சிறப்பு மண்டலங்கள் அமைத்து நாட்டின் வளமையை பெருக்க போவதாய் சொல்லிக்கொண்டு திரிவானேன்? இந்த நிலைமையில் அவற்றின் கழிவுகள் ஆற்றில் கலந்து ஏழை மக்களின் வயிற்றில் பல நோய்களை இலவசமாக தருகின்றன. ஆழ்துளை கிணறுகள் மூலம் மக்களின் அடிபம்பு நீர் ஆதாரங்களை சூறையாடுகின்றன.

ஆக அடித்தட்டு மனிதன் வாழவே முடியாத இத்தகு சூழ்நிலையையும் தந்து விட்டு, மேலும் எப்போது பார்த்தாலும் பாகிஸ்தான் தீவிரவாதி என ஓலமிட்டு ஓட்டுக்களை அறுவடை செய்ய முயற்சி வேறு. கலவரங்களை தூண்டி விட்டு குளிர் காய்வோர் பலர் இந்த கூட்டத்தை சார்ந்தவர் தான்.

தீவிரவாதத்தை எதிர்க்கும் முன்பு இந்த நடவடிக்கைகளையும் செய்தால் ஏன் தீவிரவாதி உருவாகப்போகிறான்?

குட்டியானையின் அபாரம்

2008-12-24T14:07:00.002+05:30

யானைக்குட்டி மச்சான் ( த.முருகன்) பற்றி கட்டாயம் தெரிந்து வேண்டும். தன்னுடைய கால் கட்டைவிரலை கூட தன்னால் பார்க்க முடியாத துர்பாக்கியசாலி. யானை குட்டி என்றும் குட்டி யானை என்றும் அன்புடன் அழைக்கப்படுகின்ற நமது த. முருகன் என்போரை தெரிந்து கொள்ளவில்லையாயின் வாழ்வின் பயனை நீங்கள் தொலைத்து கொண்டு இருக்கிறீர்கள் என்று பொருள்.

கைப்பிள்ள ரகத்தை சேர்ந்தவன். யாருமே அடிவாங்கி இருக்காத இடத்தில் கூட தாட்டியமாய் நின்று பல பேச்சுகளை பேசி முதுகிலோ வேறு எங்கே யோ பல பரிசுகளை வாங்கி குவித்துக்கொண்டு இருப்பான். மேலும்

தீவிரவாத தோற்றுவாய்கள்

2008-12-22T12:02:00.009+05:30

தீவிரவாத தடுப்பு என்பது முக்கிய விடயம் என பல நாடுகளிலும் இப்போது முக்கியத்துவம் பெற்று வருகிறது. தீவிரவாத ஒழிப்பை நடைமுறை படுத்துகையில் பல அப்பாவி பொது மக்களும் சொல்லான துயருற்று வருவதும் நாம் அறிந்ததே.
சில சுயநல ஆட்களால் பல அப்பாவி பொதுமக்கள் உயர் இழக்க நேருகையில் அரசு என்ன நடவடிக்கை எடுக்கிறது என தெரியவில்லை ( யாராவது தெரிந்தால் எனது மின்னஞ்சல் முகவரிக்கு அனுப்பி வைக்கும் படி தயை கூர்ந்து கேட்டுக்கொள்கிறேன் )

இப்போது தீவிரவாத உருவாக்கத்திற்கான காரணங்களை ஓரளவு கண்டு கேட்டு அறிந்த வற்றை இந்த பதிவில் இடுகை இட சித்தம் கொண்டு உள்ளேன்.

* வறுமை
* வேலையின்மை
* பேராசை
* தேசப்பற்று இன்மை
* வாய்ப்பு மறுக்கப்படல்
* வெறியூட்டப்படல்
*படிப்பு அறிவின்மை
*புறக்கணிக்கபடல்

பல இருந்தாலும் மேற்குறிப்பிட்ட காரணங்களே முக்கிய
இடத்தி பிடிக்கின்றன

வறுமை:

குடும்ப வறுமை, நம் பஞ்ச பட்டினிகளை களைய இயலாத அரசு மீது நம்பிக்கை தகருகின்றது . வறுமை பல கொடுமைகளுக்கு தாய் போல உள்ளது. தேவையே கண்டுபிடிப்புகளின் தாய் என்பது போல . வறுமை பல கொடுமை செய்தாவது வயிற்று பாட்டை தீர்க்க தூண்டுகிறது. பின் வசதியாய் வந்தபின்னும் அதனை விட முடியாத நிலை ஏற்பட்டு விடுகிறது. தீவிரவாதிகள் மக்களின் வறுமையை பயன்படுத்தி குற்றம் புரிய தூண்டுகிறார்கள். அரசு மக்களை பட்டினியில் வைத்து இருப்பது ஒன்றே இந்த நிலை ஏற்பட காரணம். அத்தியாவசிய தேவைகளை கூட நிறைவேற்ற இயலாத குடும்பத்தலைவன் இந்த நிலையில் என்ன வேண்டு மானாலும் செய்ய தயாராகி விடுகிறான் .

வேலையின்மை:

இந்த நிலை தான் வறுமைக்கே காரணம் . அவன் வேலையை சரியாக செய்து கொண்டு இருந்தாலே யாரையும் அண்ட வேண்டிய சூழ்நிலை குறைக்க படுகிறது . வேலை குடும்பம் குழந்தைகள் என்று வாழ்க்கை தானாக செல்ல ஆரம்பிக்கும் போது எந்த பிரச்சினையும் வருவதில்லை.

படிக்க முடிவதே இந்தக்காலகட்டத்தில் பெற்றோர்களுக்கு மிகப்பெரும் சுமையாக இருக்கும் போது படித்து முடித்த பின் வேலைக்கு அலைவது மிக அதிக மாக இருக்கின்றது படிக்க முடியவில்லை படித்தால் படித்ததற்கு வேலை இல்லை. சம்பந்தம் இல்லாத வேலைகளில் மனம் லயிக்க இயலாது. வேலை லஞ்சம் என்பது பல துறைகளில் நுழைந்து ஏழைகளுக்கு எட்டகனியாய் மாற்றமுயற்சிக்கின்றன. சிபாரிசு மற்றொரு பெருச்சாளி. திறமையுள்ளோர் பலர் வரிசயில் நிற்க இந்த இரண்டு ஜந்துக்களும் பல மக்களின் வாழ்கையில் கிலியை உண்டாக்கி உள்ளன.
திறமை உள்ளசிலருக்கு உடனே வேலை கிடைத்து விடுவது மகிழ்ச்சி. பலர் இன்னும் இந்த பாதிப்பிற்கு உள்ளாகி இருப்பதால். விரக்தியடைந்து மூளை சலவைக்கு உட்படுத்தப்பட்டு தீவிரவாதிகளை மாற்றமடைகின்றனர்.

பேராசை:

சில காலத்திற்குள் பணம் சம்பாதிக்க வேண்டும். பட்டதெல்லாம் போதும் . பணம் வெந்தால் எதையும் செய்யலாம். உடனே பணம் சம்பாதிக்க வழிவகைகளை யோசிக்க ஆரம்பித்தால் தவறான பாதைகள் பயணத்திற்காக தயார்செய்ய ஆரம்பிக்கின்றனர். இந்த நிலைகளை தீவிரவாத இயக்கங்களுக்கு பல உதவிகள் செய்ய காரமாகி விடுகிறது. தீவிரவாதிகளின் வேலைகள் இவர்களுக்கு நிறைவேற்ற வேண்டிய கடமைக்கு தள்ளப்பட காரணமாகிவிடும்.

தேசப்பற்று இன்மை :

இன்மை இந்த தேசம் நம் அன்னை போன்றது இந்த தேசத்தை போற்றிக்காப்பது நம் கடமை என்பத்தி உணராமல் இருப்பதே தீவிரவாத செயல்களுக்கு அஸ்திவாரம். இந்த தேசத்தை காப்பது என்பது வறுமை, வேலையின்மை ஆகியவற்றை நீக்கினால் மக்கள் பற்றுகையை உணர ஆரம்பிப்பார்.

வாய்ப்பு மறுக்கப்படல்:

ஒருவனுக்கு நியாயகமாக கிடைக்க வேண்டிய பலன் கிடைக்க தவறும் பட்சத்தில் மனம் நொந்து கடுமையான வேதனைகள் அவனுக்குள் நுழைகின்றன . அப்போது அவன் உண்மையாக உழைத்த நேரங்கள் வீணடிக்க பட்டதை உணர ஆரம்பிக்கிறான். அப்போது இந்த மன நிலை தவறாக நினைக்க ஆரம்பிக்கின்றது .தீவிரவாதியாக மாறுவதுக்கு இது முன் நிலை,

வெறியூட்டப்படல்:

உலகத்தில் நீதான் எல்லாம் . நம்மைக்கக்க உனக்கு கடமை இருக்கிறது . உன்னால் முடியும் . இந்த செய்கைகளுக்கு உனக்கு எப்போதும் புகழ் பரவும். தியாகியாக்கி விடுவாய். தயக்க மடைய வேண்டாம். உனக்கு எப்போதும் நாங்கள் துணை இருப்போம் பயப்பட தேவை இல்லை. நீ இந்த காரியத்தை செய்து தான் ஆகவேண்டும். வேறவழி இல்லை என வெறி உள்ளுக்குள் ஏற்றப்பட வலுவாகிறது. அவர்கள் நம் எதிரிகள் அவர்கள் நம்மை துன்புறுத்துகிறார்கள் . அவர்களை பழிவாங்க வேண்டும் என பல காலங்களாக சொல்லி சொல்லியே வெறி ஊட்டப்படுவது ஒரு காரணமாகி விடுகிறது

படிப்பு அறிவின்மை:

கல்வி பெற்று வேலை இல்லாமல் இருப்பது மட்டும் இந்த நிலைக்கு காரணம் இல்லை. படிப்பு அறிவில்லாத காரணமும் முக்கியமானது தான் . நல்லது கெட்டது அறிவதற்கும் ., என்ன செய்கிறோம் என்றே தெரியாமல் இழப்பு ஏற்படுத்த இவர்கள் பயன் படுத்த படுகிறார்கள். நாடு எந்த நிலையில் உள்ளது அதற்க்கு நம் பங்கு என்ன என்பது பற்றியே அறிவியல் அறிவில்லாத நிலையில் மிக சாதரணமாக பல கொடிய செயல்களை செய்யபயிற்று விக்க படுகிறார்கள்.

புறக்கணிக்கபடல்:

மக்களில் பலர் கீழ் நிலை பெற்று காணப்படுகின்றனர் நியாயமான வாய்ப்புகள் கூட இவர்களுக்கு வழங்கபடுவதில்லை. தொடர்ந்து அரசால் கண்டு கொள்ள படாமல் இருப்பதால் நொந்து இந்த தவறான பாதைக்கு அடித்தளம் இடப்படுகின்றனர். உதாரணமாக வஞ்சிக்க பட்ட விவசாயி இந்த பாதையை நாடுவதும் நக்சல் பாதையை தேர்ந்து எடுப்பதற்கு காரணமாகி விடுகிறது.
நிலத்தை வலுக்கட்டாயமாக பறித்தல் . சமநிலை பாராது ஒரு சார்பாக இருத்தல் போன்றவையும் . மேலும் ஒடுக்க படல் போன்றவைகள் தீவிரவாத தோற்றுவாய்கள்.

இந்த நிலைகள் யாவும் அடிப்படையிலே கிள்ளி எறிவதால் மட்டுமே தீவிரவாதம் தழைக்காமல் காக்க முடியும் . சாதரண ஆள் கூட அடிபடைவசதிகளுடன் இருந்தால் தான் தீவிரவாத ஒழிப்புக்கு முழுமைப்படும்

பெண் நெசவாளியின் வாழ்கைக்கவிதை

2008-12-16T14:31:00.004+05:30

மிதிபலகையை மாற்றி மிதிக்கையில்,
மிதிபட்ட தன் வாழ்க்கையை சிந்திக்க நேரமில்லை.

உடுத்த ரெண்டு சேலைக்கு மேல் இல்லாமல்,
ஊருக்கு புடவை வழங்குவதற்கு நெய்து கொண்டு இருக்கிறாள்.

காதல் வாழ்வும் இவளுக்கு உண்டு,
கணவனும் கடும் நெசவாள உழைப்பாளிதான் மேலும் வாசிக்க

முட்டைகண்ணு கணேசனின் பதில்கள்

2008-12-15T12:38:00.003+05:30

காலாண்டு ஒரு பாவச்செயல்
அரையாண்டு ஒரு பெருங்குற்றம்
முழு ஆண்டு ஒரு மனிதத்தன்மையற்ற செயல்

இந்த அரபரிச்சை (அரையாண்டு தேர்வு ) ஏன்தான் வருகிறதோ என்று எல்லோரும் தத்தம் பாசையில் புலம்பிய காலங்களில், அதாவது என்னை போல சராசரிக்கும் கீழ உள்ள மாணவர்களை மிகவும் பதம் பார்க்கும் தேர்வுகளில் ஒன்று இந்த அரையாண்டு அரக்கன். நான் எட்டாம் வகுப்பு படிக்கும் போது கணேசன் என்றவன் நண்பனாக இருந்தான். முட்டைகண்ணு கணேசன் என்ற பட்டம் கொண்டு இருந்தான். ஆளு பார்க்கவே காமெடியாய் இருப்பான். இந்த லட்சணத்தில் குரல் வேறு மிக பிரமாதமாக இருக்கும். கருப்பசாமி குத்தகை காரர் படத்தில் வரும் "யங்க மின்கன் " போன்ற குரல். ஆளு நிதானமாய் பேசினால் கேட்க கூடியாதாயும், அவசரமாக பேசினால் மேற்கூறிய முறைப்படியும் இருக்கும். ஆதலால் பல புனைபெயர்கள் கொத்து கொத்தாக அவனை சரணடைந்த வண்ணம் இருந்தன. மேலும்

***********************************************************************

பனித்துளியை தாங்கும் என் ரோஜா

2008-12-12T12:30:00.010+05:30

பனித்துளியை இலையில் தாங்கும் புல் போல
தண்ணீர் குடத்தை இடையில் தாங்கி வருகிறாய்.

கால்களின் விலங்குபோல வெள்ளி கொலுசு
ஆணவமாக சத்தமிட்டு உலக அமைதியை கலைக்கின்றன. மேலும்

அமெரிக்காவின் மும்பை சம்பவ தாக்கம்

2008-12-10T11:22:00.008+05:30

இந்தியா எப்போதும் பாகிஸ்தானை எதிரியாகவே பார்த்து வருவதால் வந்த விளைவே இந்த குண்டு வெடிப்பு சம்பவத்தை பாகிஸ்தானை தொடர்பு ஏற்படுத்துவதற்கு காரணமாகும். வல்லாதிக்க அரசுகள் எப்போதும் தன்னுடைய சரக்கு விற்பதற்கு செயற்கையான பல பஞ்சங்களை ஏற்படுத்துவது, பின் சரக்கிற்கு விலை ஏற்றுவது போன்ற "நல்ல" வேலைகளை பார்த்து போரடித்து விட்டதால், வேறு வழிகளை யோசித்து கண்டுபிடித்த முறைதான் "தீ குச்சி உரசல் முறை" அதாவது ஏற்கனவே தீ பிடிக்க காரணங்களை தேடிக்கொண்டிருக்கும் போது இந்த வல்லரசு நாடுகள் சரியாக பற்ற வைத்து " பத்த வச்சுட்டியே பரட்ட " என்ற பாராட்டை மறைமுகமாய் பெற வைக்கின்றன.

கோவை குண்டு வெடிப்புக்கு அமெரிக்க இந்த அளவு ஈடுபாடு காட்ட வில்லை. நாடளுமன்ற தாக்குதல் கூட அமெரிக்க தளங்களை யோசிக்க வைக்கவில்லை. ஆனால் இந்த தாக்குதலில் இவ்வளவு ஈடுபாடு காட்ட காரணம் என்ன? ஆறு அமெரிக்க பிரஜைகள் இறந்ததை காரணம் காட்டி இந்திய நாட்டுக்கு தானும் விசாரிக்க அதிகாரம் உண்டு என பறை யடிக்கிறது. அமெரிக்க நாட்டில் இந்திய மாணவ மாணவிகள் தற்போது கொலையாகிறார்கள். இத்தனை விசாரிக்க இந்தியாவிற்கு அதிகாரம் உள்ளதா அமெரிக்காவில்?

தாக்குதலை செப்தம்பர் மாதம் அமெரிக்க நாட்டில் தீவிரவாத நடவடிக்கைக்கு ஒப்பாக அமெரிக்க கருத காரணம்? அப்போது தான் பேரழிவு ஆயுதங்கள் ஆப்கான் மண்ணில் சோதிக்கப்பட்டன. சோதனை எலிகளை மாற்றப்பட்ட அந்த நாட்டு அப்பாவி மக்களின் மூலம் சோதனையை சரிபார்த்து கொண்டது( இதற்க்கு முன் வியட்னாம் நாட்டில் அரங்கேற்றியது) அங்கு வாங்கிய அவமானத்தை போல அவமானத்தை எங்கும் பெறவில்லை. பல ஆயுதங்களை மக்களை அழிப்பதற்காகவே சோதனை செய்து நிறைவேற்றினர்.

எதோ மனித உரிமை கழக தலைவர்போல பிலிம் காட்டினாலும், அப்பாவி மக்களை அழித்ததை என்ன சொல்லி நியாப்படுத்த போகிறது ? வழக்கம் போல பல ஆண்டுகள் கழித்து மன்னிப்பு கேட்டு முடித்து கொள்ள போகிறதா? அல்லது மீள் கட்டுமானத்துக்கு வழி வகை செய்ய போகிறதா? பல வழிகளில் மக்களை கொன்று தீவிரவாதபட்டம் கொடுத்து ஒழிக்க படுபடுகிறதே அன்றி வேறென்ன? நிற வெறிகளில் ஊறிய இந்த கூட்டத்திற்கு வேறென்ன தெரியும்? எதோ இந்தியாவின் நண்பனாக முகமுடிகளில் வலம் வந்து கொண்டிருக்கும் இந்த முதலாளித்துவ அமெரிக்க இந்தியாவில் வேரூன்ற தருணத்தை எதிர்பர்த்துக்கொண்டிருந்து வந்ததால் வந்தது சாக்கு என வானம் பூமி எல்லாம் இந்தியா பாதிக்க பட்டது, பாகிஸ்தான அரசால் என்று சொல்லாமல் சொல்கிறது. இந்த அமெரிக்க அரசு முன்னைய நாட்களில் இந்திய - பாகிஸ்தானிய யுத்தத்தில் யாருக்கு ஆயுதம் கொடுத்து ? பாகிஸ்தானுக்கு. பின் என் பழைய பாகிஸ்தான் நண்பனை அழிக்க காரணம் தேடுகிறது? .

பாகிஸ்தான் மண்ணில் ஏற்கனவே பயங்கரவாத வேட்டை என
தன் காலை வைத்தாகி விட்டது. இந்தியாவில் பல காலமாக தங்கி இருந்தாலும் ஒன்றும் செய்யமுடியவில்லை அமெரிக்க உளவுத்துறையால் ஏனெனில் காரணம் சரியாக அமையவில்லை.

நமக்கெல்லாம் தெரிந்த வரலாற்றில், அடக்கு முறை ரெம்ப காலம் தாக்கு பிடிக்க இயலாத. ஆனால் இந்த அடக்குமுறை ( நாடுகளை தனக்கு கீழ் அடிமை போல நடத்தல் " நவீன அடிமை முறை " ) விட்டுசெல்லும் பதிப்புகள் அதிகம். இதற்க்கு மக்கள் பல உயிர்களை காவு வாங்கி எத்தனை வரலாறுகளில் பதிக்க போகிறது?

முதல் உலகப்போருக்கு காரணம் "ஆஸ்திரியா நாட்டுப் பட்டத்து இளவரசரான பிரான்சிஸ் பெர்டினாத்தும், அவருடைய மனைவியும் காரில் சென்ற போது (1914 ஜுன் 28ந்தேதி) சுட்டுக் கொல்லப்பட்டனர் ". இந்த இரண்டு உயிர்களுக்கு உலகமே இரண்டு பிளவாக பிரிந்து மக்களை அழிக்கும் வேலை மிக ஜோராக நடந்தது. வீரர்களை விட பல மடங்கு மக்கள் செத்து மடிந்தனர். இந்த உத்தியின் அடிப்படையில் இந்தியாவை தூண்டிவிட்டு போர் வெறி கொள்ள செய்யும் தனது உத்தியை பயன் படுத்த ஆரம்பிக்கிறது.

இந்த மும்பை தாக்குதல் நடவடிக்கையால் இந்தியா அடைந்த இழப்பு அதிகம். இதற்க்கு பாகிஸ்தானை மாட்டுமே குறை சொல்வது எந்தவகை இல் நியாயம்? இந்தியா வின் உன்நாட்டு உளவு இந்த அளவு மோசமாக ஆனது எப்படி? யாரை குற்றம் கூற? பயங்கர வாதிகளை பாகிஸ்தானிய அரசே தாக்குதல் நடத்த சொன்னது போல் ஒரு மாயபிம்பத்தை உண்டாக்கியிருக்கிறது.

இந்தியா எப்போதும் அயல் நாடுகளில் நட்பு கொள்ளவே விரும்புகிறது. அதன் படி நடந்தும் வருகிறது. எல்லைகளில் ஏற்படும் சிறிய சலசலப்பும் சுமூகமாக தீர்கவே விரும்புகிறது. ஆனால் சில ஏடுகள் உடனே போர் அபயம் ஏற்பட்டு இருப்பதாக அச்சுறுத்த ஆரம்பிக்கிறன.

இரண்டாம் உலகபோர் ஏகாதிபத்திய நாடுகளின் பேராசைகளே . அவை தனக்கான சம்பளத்தை வாங்கி கொண்டும் விட்டன. இருதாலும் சில நாடுகள்நவீன காலனித்துவத்திற்கு ஆதிக்கம் பெற முயற்சிக்கின்றன.

சில நாடுகள் பலியாடுகளை மாற்றப்படும் விட்டன. சில மறுத்து போராடிக்கொண்டும் வருகின்றன. நாம் பயங்கரவாதத்திற்கு எதிராகவும், அதே நேரத்தில் ஏகாதிபத்திய நடவடிக்கைகளுக்கு எதிராகவும் இருமுனை தாக்குதல் நடத்த வேண்டிய சூழ்நிலை ஏற்படுத்த வேண்டி இருக்கிறது.

நான் மும்பை சம்பவத்தை நியாய படுத்த விழைய வில்லை. இந்த இழப்பு நமக்கு ஈடு கட்ட இயலாததே அன்றி வேறில்லை. பயங்கரவாதிகளின் சட்டத்தின் முன் தண்டனை பெற வேண்டும். அதனை விடுத்து மக்களை பாடுபடுத்துவது எந்த வகைகளில் நியாயம்?

அமெரிக்காவின் முக்கியமான வேலை

2008-12-03T12:39:00.005+05:30

அமெரிக்காவின் வேலை "மற்ற நாடுகளுக்கிடையில் சண்டை இழுத்து விடுவதே ", மும்பை குண்டு வெடிப்பிற்கு யாரை கை கட்டலாம் என உளவுத்துறை மண்டை குடைந்து கொண்டு இருந்த போது, கண்ணைமூடிக்கொண்டு பாகிஸ்தான் தீவிரவாதிகளை கைகாட்டதுணியும் சராசரி குடிமகனுக்கு கூட இல்லாத அக்கறை அமெரிக்காவிற்கு வர காரணம் என்ன? நான் தான் எத்தனை காலத்துக்கு இப்படியே ஒத்தையிலே மத்த நாட்ட அடிக்கறது நீயும் வந்தா எனக்கு துணையா இருக்கும். கேட்டா தீவிரவாத வேட்டை என பத்திரிககளில் முதல் பக்கங்களை அலங்கரிக்க வேண்டாமா?.

என்னவோ ஏதோ வென பரபரப்புடன் செய்தி தாள் வாங்கினால் "மும்பை குண்டுவெடிப்பு செய்தி " பற்றி பக்கம் பக்கமாக நமது அனுதாபங்களை அள்ள பயிற்று விக்கப்பட்ட பல பத்திரிக்கைகள் நன்றாக ஜோடிக்க பட்டிருந்தன. உண்மைதான் தீவிரவாதிகள் அந்த பணக்கார ஓட்டல்களை பிடித்ததென்னவோ உண்மைதான். எதோ, தீவிரவாதமே இப்போது தான் நம் நாட்டில் நடக்கிறது. சட்டப்படி தண்டிக்க வேண்டும் என பல உளறல் களை கேட்டு நாம் அலுத்து விட்ட பின், இந்த செய்தி வருகிறது. இருக்கட்டும், ஏன் விவசாயிகளின் பிரச்சனைகளை பற்றி இப்போதெல்லாம் எழுதுவதில்லை? ஏன் வறுமை நீக்க வழிகளை சொல்லவில்லை? அதை விடமுக்கிய விடயமான மதபூசல்கள் களைய, கலவரம் ஒடுக்க வழி சொல்லவில்லை? ஏன் இப்போது யாரும் இதனால் பாதிக்க பட வில்லையா? பணக்காரர்களின் ஓய்வு விடுதி பற்றி இவ்வளவு கரிசனபடும் இவைகள் அதன் பக்க ஓரமாய் கிடக்கும் குடிசைகள் அவ்வபோது தீக்கு இரையாவது பற்றி இடுகையிடுவது இல்லையே ஏன்? அப்படியே இட்டாலும் ஓரமாய் இட்டு, அனுமதி இல்லாமல் இருக்கும் இது போன்றவை அகற்ற பட வேண்டியன எனத் தானே இடுகை இடபடுகின்றன.

தீவிரவாத ஒழிப்பில் முன்னனில் விளங்கும் அமெரிக்கா, பின் ஏன் ஒசாமாவை பிடிக்க இத்தனை காலம் எடுத்து கொள்கிறது? யரேமற்ற இந்த வேஷம் இந்தியா வுக்கும் பாகிஸ்தானுக்கும் சண்டை மூட்டிவிட்டு தன் ஆயுத விற்பனை மூலம் சரிந்த தம் பொருளாதாரத்தை சரிகட்ட பார்க்கிறதா? பிரச்சனை இந்தியாவிற்கும் பாகிஸ்தான் தீவிரவாதிகளுக்குமே யன்றி பாகிஸ்தான் அரசுக்கல்ல. திவிரவாத எதிர்ப்பு நடவடிக்கைகளை இரு நாடுகளும் இணைந்து மேற்கொள்ளும் என பாகிஸ்தான் பிரதமர் அறிவித்த பின், போர் என கூறுவது முட்டாள் தனமான வார்த்தை. தீவிரவாத முகாம்களை களை எடுக்கவேண்டிய அவசியத்தை பற்றி கூற அமெரிக்காவிற்கு அருகதை இல்லை. தன் நாட்டை பார்து கொண்டால் போதும். இந்தியாவிற்கோ பாகிஸ்தான் நாட்டிற்கோ சொல்லவேண்டிய அவசியமில்லை.

ஈராக் மீது போர் தொடுத்ததற்கு மன்னிப்பு கேட்டு இருக்கிறார் அமெரிக்கா அதிபர் புஷ். அமெரிக்க உளவுத்துறை மீது குற்றம் சொல்கிறார். அது இருக்கட்டும் அப்படியானால் உடனடியாக படைகளை திருப்பிக்கொள்ள வேண்டாமா? எத்தனை அப்பாவி உயிர்கள் பலியாக்கப்பட்டு, பல பெண்கள் பாலியல் வல்லுறவுக்கு பயன்பட்டு உயிர் இழந்திருப்பர்? நஷ்ட ஈடு உண்டா அவர்களுக்கு? அப்படி ஈந்தாலும் போன மானம் மீண்டும் வருமா? முஸ்லீம் இனத்தையே அழித்து, அமெரிக்காவே அகில உலகத்திற்கும் ராஜா வாக திகழ தானா இந்த நாடு பிடிக்கும் படலம்? தன் நாட்டு மக்களையேய் காப்பாற்ற வழிய காணோம். இதுல உலகத திருத்த கிளம்பிட்டராம்?

வெள்ளகாரனை விரட்டிவிட்டோம் - 2

2008-11-25T12:42:00.009+05:30

"பணம் பத்தும் செய்யும், பணம் பாதளம் வரை பாயும் " உண்மையாக பணத்தை வைத்து எதையும் செய்து விட முடியுமா? முடியும் என்கிறது முதலாளித்துவம். ஆனால்
அதற்க்கு தெரியுமா?. துப்பாக்கிசூடு, மெலிந்த நாடு மேல் போர் மற்றும் பொருளாதார தடை இதுவன்றி உங்களால் ஒரு வருடமாவது இருக்கமுடியுமா? முடியும் என நீங்கள் சொன்னால், வேறு வகையான பொருளாதார, அரசியல் காரணங்கள் கண்டு பிடித்து விட்டீர்கள் என்று பொருள் அல்லது உங்களை எதிர்பவர்களை உங்கள் வழிக்கு கொண்டு வதற்கு சமயம் பார்த்து கொண்டு இருக்கிறீர்கள் என்று பொருள்.

"எவன் எப்படி போனால் என்ன? எனக்கு என் பங்கை கொடு"இது தானே உங்கள் கொள்கை. இருக்கட்டும் நீங்கள் மட்டும் ஏதும் செய்யலாம். இளைத்தவன் செய்தல் பயங்கரவாதம், உலகிற்கு அச்சுறுத்தல், இதனை வன்மையாக கண்டிப்பதோடு, முடிந்தால் அந்த நாடுகள் மீது போர் தொடுத்து பல ராணுவ அதிகாரிகளுக்கு பாலியல் வேட்டைக்காடாக மாற்றி, இயற்க்கை வளங்களை கொள்ளையடித்து ஓட்டண்டியாக்கி விட்டு, சொன்னதை கேட்கும் மனித ரோபோவை ஆட்சி தலைமையில் அமர்த்தி, ஜனநாயகம் மலர்ந்து விட்டதாய் பொய் மூட்டையை தன் ஊடகங்களுக்கு தருவது .

ஓசோன் படலத்தை ஓட்டையாக்கும் காரியங்கள் உங்களால் செய்யப்பட்டு, இப்போது "உலகத்திற்கு இது மிக ஆபத்தானது. இத்தனை தவிர்க்கும் செய்கை ஆரம்பிக்கப்பட வேண்டும்" இப்படி பல தண்டோரக்களை போடுவதே பகுதி நேரதொழிலாக உடைய உங்களுக்கு எப்போது புத்தி வரும்?

வங்கிகள் திவலானபோது கொழுப்பு மூட்டைகளை கரையேற்றி பெரும் அழிவிலிருந்து முதலாளித்துவத்தை காப்பாற்றியதாக பெருமிதம் கொள்ளும் அவ்வேளைகளில், சாதாரண குடிமகன் வீதிக்கு வந்து விட்டதை எண்ணாமல் இருக்கிறேரே....

தன் நாட்டு மக்களை காக்க முடியவில்லை என்ன சொல்வது நட்டு பொருளாதரத்தை காக்க, முடியவில்லை காண்கிறார், காதுசெவிடாகி விட்டது, இந்த பொய்களை கேட்டு கேட்டு.

தன்நாட்டு மக்களை காக்க தெரியாதவன் அடுத்த நாட்டு மக்களை ப்பற்ற வருகிறானாம், ஊருக்கு இளைத்தவன் பிள்ளையார் கோவில் ஆண்டி என்பது
தமிழ் சொலவடை . இதனை மெய்பிப்பது போல எவர்கள் செயல்கள் உள்ளன. தடையற்ற வாணிபம் வேண்டுமாம், இதனால் உள்நாடு கைத்தொழில் பாதிப்படைந்தால் யாருக்கு நட்டம்? சிந்தித்தால் குமட்டல் வருகிறது உண்மை நிலை கண்டு.

விலை குறைவு தானம் அந்த பொருள்களுக்கு. அடக்க விலை நம் நாட்டுஅதற்க்கு அப்பால் அதிகம் தான். ஆனால் நாமே விலை நிர்ணயம் செய்து கொள்ளும் உரிமையை நமது நாட்டனுக்கே தருகிறோம். ஆனால் பன்னாட்டு கம்பனிகள் தற்போது விலையை குறித்தும், பின் வரும் நாட்களில் விலையை அதிகரித்து vidum. ஆமாம் போட்டிக்கு வந்த நமது நாட்டு பொருள்களெல்லாம் அடிமாட்டு விலைக்கு விற்க இயலாததால் நசிந்து விட்டபின் ( யாரும் போட்டிக்கு வர இயலாது எனும் போது, அதனை அத்யாவசிய பொருளாக ஆக்கியபின்) மாறிவிடும்.

வெள்ளகாரனை விரட்டிவிட்டோம் - 1

2008-11-25T11:56:00.003+05:30

நாம் சுதந்திரம் பெற்று விட்டோமாம். அட ஆமப்பா நாம வெள்ளகாரனை விரட்டிவிட்டோம். ஆனா அப்பவும் நம்ம அடிம புத்தி போகல. என்னடா நாமெலாம் பெரிய பெரிய பதவில இருக்கோமே , பின் ஏன் இந் வார்த்தை வரவேண்டும் என கேள்வி எழும் போது, அதற்கான விடை மிக சாதாரணமா சொல்லிவிடலாம். இப்போது நமது சுதந்திரமானது அடகு வைக்கபட்டிருப்பது, பன்னாட்டு கம்பனிகளிடம், அமெரிக்க ஏகாதிபத்தியம் இத்தனை சத்தமின்றி உலகை கம்பனிகளிடம் சொல்லிகொடுத்து கொண்டிருக்கிறது.

கரண்ட் இல்ல , கரண்ட் இல்ல நீ புலம்பாதே, எதாவது ஒரு கம்பனிகிட்ட ஒரு இன்வேர்டேர் வங்கிக்க, காசுகொடுத்துத்தான். என்ன ?, பன்னாட்டு கம்பனிகள் நிறைந்து இருக்கும் பகுதிகளுக்கு மட்டும் தாம் கரண்ட் தட்டுபாடு இல்லை. நம்ம நட்டு கம்பனி எப்படி போனால் நமக்கென்ன? அவன் வருசத்துக்கு போதும் எனும் அளவுக்கு " " தருவான் ஆனா நீ வரிதானே கொடுக்கிற?.அப்பறம் சங்கம் அப்படி இப்படி சொல்லி தோழர்கள் யாரும் ௫ வருசத்துக்கு பேசபடாது. வேலைக்கு உத்தரவாதம் தர முடியாது. மீறினால் வேலை நிரந்தரம் இல்லை.

இந்தியாவில் அடிமைமுறை இல்லை என நாம் பெருமை கொள்ள வைக்கப்பட்டு இருக்கிறோம். அடிமை என்று வரும்போது கோவில்களில் காணப்பட்ட தேவதாசி முறை கூட அடிமைமுறைதானே. அவர்கள் திருமணம் செய்ய கூடாது. ஆண்களின் போக பொருள்களாகவே நடத்தப்பட்டனர். சரி அது கூட தற்போது ஒழிக்க பட்டு விட்டது போல் ஆகி விட்டது எனக்கூறினாலும். பல செங்கல் சூளைகளில், பல தீப்பெட்டி, வெடிமருந்து தொழில் சாலைகளில் இன்னமும் தொடர்கிறது பாதுகாப்பற்ற முறைகளில் இன்னமும் தம் இன்னுழப்பை வழங்கி கொண்டு இருக்கிறார்கள்.

அடிப்படை கல்வி மறுக்கப்பட்ட ஒவ்வொரு குழந்தையும் ஒரு வகையில் அடிமையே. இம்முறை ஒழிய கடுமையான சட்டங்கள் பிறப்பிக்க பட்டு , தீவிரமான முறைகளில் அமுல் படுத்த வேண்டும். அப்படி தவறு கண்டுபிடிக்கப்படும் பட்சத்தில் தவறு செய்தவர் ( அடிமையாக வைத்திருந்தவர்) தீவிரமான தண்டனைக்கு உட்படுத்தப்பட வேண்டும்

கவிதை 1

2008-11-03T16:59:00.004+05:30

மெல்லினமே உன்
இடையினத்தை காட்டி
வல்லினம் என்னை தாக்கினாய்

*****************************************************

உன் கண்களால் என் இதயத்தை உடைத்தாய்
உன் பேச்சால் என் லட்சியங்களை உடைத்தாய்
பின் ஏன் உன் தந்தையிடம் கூறி என் எலும்புகளை உடைத்தாய்?

இந்த கவிதையை என்னுடைய அழகிய தேவதை வலையில் பார்க்கலாம்

ஹைக்கூ 1

2008-11-03T15:00:00.008+05:30

மீசை இருந்தாலும்
ஆண்மகன் இல்லை
கரப்பன் பூச்சி

******************************************************

பச்சையம் இழந்த இலை
இன்னும் உதிராமல்
இளம் விதவை

*******************************************************

என்ன முயன்றும் தோல்விதான்
இந்த தேனீக்கு
பிளாஸ்டிக் ரோஜா

********************************************************

காய்த்த மரம் கல்லடிபடும்
என்னை ஏன் அடிக்கிறார்கள்?
யோசனையுடன் ஓடும் நாய்

*********************************************************

இந்த இடுகையை என் அழகிய தேவதை வலையில் காணலாம்